Ушбу рукн орқали ўтган аср охирларида олинган суратлар бериб борилади. Яқин ўтмишдаги футболчилар, жамоалар, мураббийларнинг расмлари орқали тарихни ёдга олиб турамиз.

Демак дастлабки расмни кутиб олинг.

1999 йилнинг 26 май санасида "Ноу Камп" стадионида кечган ЕЧЛ финалида "Манчестер Юнайтед" ва "Бавария" клублари тўқнаш келишган. Учрашувда мюнхенликлар вакили Марио Баслер 6-дақиқада ҳисобни очган. 90+1-дақиқада Тедди Шерингем гол уриб ҳисобни тенглаштирган. Барча қўшимча вақтларни кутаётган маҳал 90+3-дақиқада Оле Гуннар Сульшер бурчакдан оширилган тўпни Оливер Кан қўриқлаётган дарвозага жойлаб қўйган - 2:1. Ушбу финал ҳамон энг драматик ўйинлардан бири сифатида футбол тарихида қолган.

Суратда Сульшер ғалаба тўпини киритмоқда.

90-йиллар футболи: 1999 йилги ЕЧЛ финали