Қизиқарли ўтган баҳсда майдон эгалари "Ювентус" жамоаси қийин ғалабани тантана қилди. Криштиану Роналдунинг дублига "Парма" футболчиси Корнелиус жавоб қайтарди.

Мазкур ғалабадан кейин "Ювентус" тўплаган очколар сони 51тага етди ва туринликлар "Интер"дан 4 очкога узиб кетишди.

Учрашувда дублга эришган Роналду эса голлари сонини 16тага етказиб, тўпурарлар пойгасида 23 гол билан пешқадамлик қилаётган "Лацио" ҳужумчиси Чиро Иммобилени қувишда давом этмоқда.

А Серия, 20-тур. Турнир жадвали

Ювентус – Парма 2:1

«Альянц Стэдиум»

Голлар: Роналду (43, 58) – Корнелиус (55).

Ювентус – Шченсни, де Лигт, Алекс Сандро (Данило, 21), Бонуччи, Рэмзи (Игуаин, 59), Куадрадо, Матюиди, Пьянич, Рабьо, Роналду, Дибала (Дуглас Коста, 81).

Парма – Сепе, Якопони, Дармиан, Бруну Алвеш, Гальоло, Эрнани, Скоццарелла (Спрокати, 66), Кулусевски (Силигарди, 88), Куцка, Куртич, Инглезе (Корнелиус, 44).

Огоҳлантириш: Куртич (71).

А Серия: Роналдунинг дубли "Ювентус"га ғалаба келтирди ва туринликлар "Интер"дан илгарилаб кетишди