Гонконг терма жамоаси рақиблик қилган ўйинда вакилларимиз йирик 3:0 ҳисобида ғалаба қозонди. Учрашувдан сўнг Аббос Файзуллаев фикрларини билан ўртоқлашди.
"Барчани ғалаба билан табриклайман. Олдимиздаги минимум вазифани бажардик. Кейинги босқичга йўлланма олдик ва Осиё Кубоги чиптасига эга чиқдик. Ўйин қизиқарли ўтди. Осон бўлгани йўқ. Баҳсга муносиб тайёргарлик кўргандик. Гонконгда кечган ўйинни ҳам таҳлил қилгандик. Асосийси ғалабага эришдик. Мураббийимизга соғлик тилаймиз ва тезроқ сафга қайтишини сўраб қоламиз.
Секин-аста ўз спорт формамга қайтяпман. Барибир ўйин амалиёти муҳим. ЦСКАда жойим учун курашаман.
Терма жамоада ҳар бир ўйинда ғалаба қозониш учун ўйнаймиз. Мақсадимиз Туркманистон ва Эронни ютиб биринчи ўринни эгаллаш",- дейди Аббосбек Файзуллаев.
Изоҳлар