Айнан жароҳати туфайли ҳамюртимиз ЦСКАнинг Қозоғистоннинг "Ордабаси" клубига қарши назорат учрашувида иштирок эта олмади.
Файзуллаевнинг бугунги кундаги ҳолати ҳақида армиячилар клуби бош шифокори Эдуард Безуглов маълумот берди.
"Барчаси режа бўйича кетмоқда. Унга кўра, Аббос Абу-Дабидаги клубнинг иккинчи ўқув-машғулот йиғинини умумий гуруҳда ўтказиши керак эди. Шундай бўлди ҳам. Ҳозир у умумий гуруҳ билан бирга машғулотларда қатнашмоқда ва ўзини яхши ҳис қиляпти. Насиб қилса, "Ростов"га қарши баҳсда майдонга тушади".
Эслатиб ўтамиз, ЦСКА РПЛ Қишки кубоги доирасида "Ростов"га қарши эртага кечқурун ўйин ўтказади.
Изоҳлар