Львов клуби кеча Хмельницкийнинг “Подолье” жамоаси билан спарринг ўйинини ўтказиб, 2:0 ҳисобида ғалаба қозонди. “Рух”нинг асосий жамоаси сафида норасмий дебютини амалга оширган ўзбекистонлик ҳужумчи ўйиндан кейин ўз фикрлари билан ўртоқлашди.

“Бугунги спарринг Киевнинг “Динамо”сига қарши ўйиндан олдин яхши тайёргарлик бўлди. Ғалаба қозонганимизга қармасдан, бир қатор хатоларга ҳам йўл қўйдик. Кейинги ўйинларда уларни такрорламасликка ҳаракат қиламиз. Ниҳоят, асосий жамоа сафида ўйнаш имкониятига эга бўлганимдан хурсандман. Мен учун мураббийнинг ишончи жуда муҳим. Бу футболчи учун ўзига хос рағбат ҳисобланади. Ўзимнинг оптимал формамга қайтишга ва жамоамга фойда келтиришга ҳаракат қиламан. Аста-секин шерикларим билан муносабатларимни яхшилаб оляпман, аммо бироз вақт талаб қиладиган ҳолат.
Ҳамюртларим расмий ўйиндаги дебютимни кутишаётганини биламан. Уларнинг ишончини оқлаш учун имкон қадар кўпроқ ҳаракат қиламан. “Рух” таркибида юқори сифатли ижрочилар бор. Бугун Кухаревич ва Кондраков гол урди. Ҳужум чизиғидаги рақобатнинг юқорилиги ҳамма учун, жумладан, мен учун ҳам яхши. Чунки бундай шароитда футболчи фақат ўсади”, – деди 23 ёшли форвард.

Абдихолиқов “Рух”нинг асосий жамоаси сафидаги норасмий дебютидан кейин нималар деди?