- Ассалому алайкум, Абдусамад ака! Бугунги учрашув ҳақида фикрларингиз...- Бугун қизиқарли ва беллашувларга бой учрашув бўлди. Бизда кўплаб голга тортадиган вазиятлар юзага келди, афсус фойдалана олмадик. Баъзи вазиятларда тўп дарвоза устуни, тўсинига теккан вазиятлар ҳам бўлди. Футболга омад ҳам муҳим аҳамиятга эга. Бизнинг жамоамизда менимча аниқлик етишмаяпти. Рақибдан кўпроқ гол урмасанг, ғолиб бўлмайсан. Бу футболдаги аниқ ва исбот талаб қилинмайдиган қоида. Футболчиларимиз чин дилдан ҳаракат қилишмоқда, бунинг натижасида вазиятлар яратилмоқда, лекин юқорида айтганимдек якуний паллада хатоликка йўл қўймоқдамиз.

- “Ифтихор” жамасини биринчи даврада кўрсатган ўйини ҳақида нималалар дея оласиз? Биламизки, “Ифтихор” жамоаси ПРО-лига дебютанти ҳисобланади...
- Биз янги жамоамиз, ўйиндан ўйинга кучайиб боришимиз керак, футболда тажриба муҳим саналади. Жамоамиз таркибида кўпчилик фуболчилар ёш, шу боис бир оз жамоавий ўйинни ташкил этишда бизда муаммолар бор. Биз бу борада ишлаяпмиз, изланяпмиз. Ким тезда зўр жамоа тузиш мумкин деса, мураббий сифатида айтаман, у адашади. Яхши жамоа шакллантириш учун бир оз вақт керак албатта. Биз келажакда ҳар томонлама бугунги кун талабларига жавоб бера оладиган жамоа тузиш бўйича иш олиб бормоқдамиз.

Бекзод Толибов ёзиб олди.

Абдусамад Дўрмонов: "Рақибдан кўп гол урмасанг, ғолиб бўлмайсан"