"Кўпроқ "Бавария", "Ювентус" каби жамоалар билан ўйнайман, баъзида "Реал"ни ҳам олишим мумкин. Ҳақиқий футболда "Бавария"га ишқибозлик қиламан, бу клуб - барқарор ўйин кўрсатадиган немис машинасидир.

Киберфутбол ўйинидаги икки бўлим одатда 15 дақиқа давом этади. Бу 15 дақиқа ичида мия, қўллар ва тана фаол ҳаракатда бўлади. Эътиборни сусайтириш ёки бошқа чалғиш мумкин эмас. Совуққон ва руҳан тайёр бўлиш лозим.

2 йил ҳар куни камида 4-5 соат киберфутбол билан шуғулланиш билан керакли савияга етишиш мумкин. Ўйинни тушуниш, стратегияларни ўрганиш керак. Услубларни йўқотмаслик учун албатта шуғулланиш керак. Тўғри, ўйин кўпроқ омад ва иқтидорга боғлиқ.

Юртимизда сўнгги 2-3 йил ичида FIFA билан шуғулланувчилар сони кўпайди. Истиқболли ўйинчилар бор. Апрель ойида Тошкентда МДҲ Кубоги - 2016 турнири бўлиб ўтди. Мусобақага Россия ва Украина чемпионларини таклиф этдик ва йигитларимиз муносиб иштирок этишди.

Ҳафтада бир маротаба футбол билан шуғулланиб тураман. Спортни яхши кўраман. Киберфутбол бўйича мавсумий турнирлар ўтказганимизда тақдирлаш маросимига Равшан Эрматов ва футбол соҳасидаги юлдузларни чақириб турамиз.

70 ёшгача киберфутбол билан шуғулланиш мумкин, аммо бир-икки йил ичида профессионал фаолиятимни якунлашим мумкин.

МДҲ Кубоги - 2016да учрашувларни шарҳлаш учун россиялик шарҳловчини таклиф қилганмиз. Келажакда ўзимизнинг шарҳловчилар бўлади деган умиддаман. Айтганча, баъзи ўйинларни 3 мингга яқин мухлислар томоша қилган.

Тез орада Ўзбекистонда киберспорт федерацияси ташкил этилади деб ўйлайман. Келажакда бу соҳага катта пул тикилади.

Ўтган йили Корея электрон спорт турлари ассоциацияси бу борада катта ишлар амалга оширди. Аммо ҳозирча киберспорт Халқаро Олимия қўмитасигача етиб боргани йўқ. Ҳаммаси энди бошланмоқда. Яшасак - кўрармиз" - дейди Абдусапи Қаюмов.

Абдусапи Қаюмов - Ўзбекистон киберфутболининг "Легенда"си