- Биз ушбу мусобақада кўп нарсани исботлаб қўйдик. Нималарга қодир эканлигимизни кўрсатдик. Португалияга қарши баҳс? Яхшиси ўйинни кутган маъқул. Бу ерга қадар келишдан аввал анча узоқ йўлни босиб ўтдик. Муваффақиятлар катта меҳнатларимиз самараси бўлди. Чорак финалда ҳам муносиб ўйнашни мақсад қилганмиз.

Португалиянинг ҳужум чизиғида юқори малакали футболчилар етарли. Ушбу терма жамоанинг ҳимоя чизиғи ҳам яхши. Португалияни қарши ҳужумларда хавфли ўйнайдиган жамоалар сирасига қўшган бўлардим. Ўйинда назоратни ўз қўлимизга олишимиз лозим. Ҳар ҳолда шундай қилишга уриниб кўрамиз. Бу баҳс ҳеч бир жамоа учун осон бўлмайди.

Роберт Левандовский Польша учун жуда муҳим футболчи. Левандовски нафақат ҳужумчи, балки жамоамиз сардори. Шу боис унинг бўйнига жуда катта масъулият турибди. Айни пайтдаги Левандовскининг ўйинларидан, спорт формаси ва жисмоний ҳолатидан кўнглим тўқ.

Адам Навалка: "Польша кўп нарсани исботлаб қўйди"