Испаниялик футболчи ўтган мавсумнинг иккинчи ярмини Испанияда ўтказди. У ушбу муддат ичида болалиги ўтган "Барселона"да ижара асосида ўйнади ва янги мавсум старти аввалида "бўрилар" сафига қайтди. Футболчи сешанба куни "Кристал Пэлас"га қарши кечган учрашувда (2:1) гол урди. Шундан сўнг AS нашри томонидан унинг ватанига қайтишни режа қилаётгани ё йўқлиги сўралди:

"Ҳа, албатта. Испания — мен туғилган ва энг севадиган мамлакат. Қайтишим аниқ, лекин қачонлигини вақт кўрсатади. Мен бир неча ойга "Барселона"га қайтдим. Бошқа вариантлар ҳам бор эди. Лекин мен у ерга қайтдим ва ёрдам бердим ва бир кун келиб яна қайтаман. Айнан қайси жамоага эканлигини билмайман. Ҳозир бор эътиборимни ушбу мавсумга қаратганман ва ўсишда давом этаман", — деди 26 ёшли ҳужумчи.

Адама Траоре: "Ла Лигага қайтишга умид қиламан"