"Барселона" аллақачон машғулотларга қайтди, чунки клуб 8 август куни "Наполи" билан жавоб учрашувини ўтказади. Месси эса машғулотларда янги бутсада кўриниш берди.

Аdidas Nemeziz Messi 19.1 FG – аргентиналик учун махсус тайёрланган, янги рангдаги тўплам.

Компания янги бутсани июнь ойида бошланиши керак бўлган Америка кубоги учун махсус тайёрлаган. Аммо пандемия барча режаларни бузди – турнир кейинги йилга қолдирилди.

Adidas ушбу моделни кечиктирмасликка қарор қилди ва Мессига тақдим этди. Маҳсулот дизайни Лео футболчилик фаолиятининг кўп қисмини ўтказган шаҳардан намуна қилиб олинган: апелсин ранг кўпинча "Барселона" либосларида пайдо бўлади.

Бутсанинг бир томонига голни нишонлаётган Лео, "Барселона" ва adidas чизиқлари жойлаштирилган бўлса, бошқа тарафида 10 рақами тасвирланган.

Бутса таг қисмида "Ўрта денгиз" ва олд қисмида Месси фамилияси бор.

Adidas Мессига янги моделдаги бутсани тақдим этди