Футболчилар бу либосни расмий ўйинларда кийишмайди, аммо машғулот пайтида ретро либосдаги "қаймоқранглилар"ни кўришимиз мумкин.

Adidas томонидан чиқарилаётган "Реал"нинг қайта ишланган футболкаси дизайни 90-йиллар, хусусан, афсонавий EQT чизиқларидан илҳомланиб яратилган. Муаллифлар 1998 йилдан 2000 йилгача "Реал Мадрид" футболчилари кийган рамзий формани қайта яратишга ҳаракат қилишган. Дизайнда 1998-2000 йиллардаги "Реал Мадрид" либосининг ранглари ишлатилган, ўшанда Adidas илк марта "қаймоқранглар" учун форма яратган.

Янги либоснинг асосий ранги оқ бўлиб, ён томонларида тўқ кўк ва сариқ рангли чизиқлар, енги ва ёқасида тўқ кўк рангли безаклар мавжуд. Марказда "Реал Мадрид" ва Adidas логотиплари тасвирланган. Шу тариқа дизайнерлар Adidas "қаймоқли" учун форма чиқара олмаган афсонавий EQT даврига ҳурмат бажо келтиришди. Янги либосни қуйида томоша қилишингиз мумкин:

Эслатиб ўтамиз, "Реал Мадрид"нинг қайта ишланган махсус либоси 2022 йилнинг декабридан 2023 йилнинг январигача бўлган муддатда сотувга чиқарилади.

Adidas "Реал Мадрид" учун махсус ретро-либос чиқаради