Чақирув Кубоги ўрнига ташкил этилган Solidarity Cup Малайзияда бўлиб ўтади. Унда 7 терма жамоа иштирок этади. Осиё Кубоги саралаш баҳсларидан четга чиқиб улгурган жамоалар учун ОФК мазкур мусобақани ташкил этишга қарор қилди. Чунки бу термалар шундоқ ҳам кейинги йил расмий ўйинлардан четда қолиб кетишади.

Аслида ОФК саралаш ўйинлари тизимига айнан кучсиз термаларнинг етарилча учрашувлар ўтказишини таъминлаш мақсадида қўл урганди, бироқ 7-8 жамоа барибир курашдан четга чиқди. Шунинг учун янги турнир ўтказилиши ҳақида қарорга келинди.

Мусобақанинг А гуруҳида Непал, Бруней ва Тимор Лесте, В гуруҳида Шри Ланка, Макау, Мўғулистон ва Лаос терма жамоалари қатнашади. Покистон ва Бангладеш унда иштирок этишдан бош тортишди. Ҳар икки гуруҳдан иккитадан жамоа ярим финалга чиқади. Шу тариқа мусобақа давом эттирилади.

Тан олиш керак, савияси жуда паст жамоалар учун бу мусобақа маълум пайтда ўйин амалиётига эга бўлиш учун қулайдир. Чунки бу термаларнинг ўртоқлик учрашувлари учун рақиблар топиши жуда муаммо.

"AFC Solidarity Cup": илк турнир ноябрда ўтказилади