Африка Конфедерациялар кубогининг чорак финал жавоб учрашувидан ўрин олган "Беркан" — "Абу Салим" беллашуви жанжал билан якунланди.
Жамоалар ўртасидаги дастлабки ўйинда ҳисоб очилмаганди. Жавоб беллашувининг 90+15 дақиқасида мезбонлар футболчиси Иссуфу Дайо ҳисобни 3:2 кўринишига келтириб, жамоасига ғалаба тақдим этди. Меҳмонлар эса мисрлик бош ҳакам Муҳаммад Маъруфнинг рақиб жамоа гол ургунга қадар беллашувни тўхтатмаганликда айблади ва унга ҳужум қилишди.
Натижада ҳакам "Абу Салим" ўйинчиси Хосам Ал Банига қизил карточка кўрсатди.
Изоҳлар