Шу жумладан, Европа қитъасида саралашнинг "F" гуруҳида 20 очко билан якка пешқадам бўлиб турган Англия терма жамоаси ҳам. Гарет Саутгейт бош мураббийлигидаги инглизлар 5 октябь санасида Словенияни уйда қабул қилишса, 8 октябрда Литва меҳмони бўлишади. Инглизлар гуруҳда яна битта ғалабани қўлга киритишса Жаҳон чемпионати масаласини расман ҳал этишган бўлишади. Айни пайтда жамоа ана шу икки беллашувга тайёргарликни бошлаган. Кеча Англия терма жамоаси машғулотига афсонавий футболчи сэр Бобби Чарльтон ташриф буюрди.

Англия терма жамоаси эндиликда айнан Бобби Чарльтон номи берилган майдонда машғулот ўтказади.

Сэр Бобби жамоанинг мундиалга чиқиши мумкинлигини назарда тутиб ўйинчиларга мурожаат қилди ва шундай деди: - Умид қиламан, сизлар менга ҳаётимдаги энг ажойиб хотиралардан бирини тақдим этасизлар.

"Бизда ҳеч қачон бундай имкониятлар бўлмаган, умид қиламан сиз буни қадрига етасиз. Мен футболчи бўлганимда ҳар дақиқани севардим, куннинг ҳар дақиқасини", - деди Чарльтон.

Сэр Бобби Чарльтон 11 октябрь куни 80 ёшни қарши олади. Шу сабаб инглизлар бош мураббийи Гарет Саутгейт ўйинчиларнинг имзоси ва 80 рақами туширилган терма жамоа футболкасини совға қилди.

Уэйн Руни терма жамоадан кетганидан сўнг Харри Кейн асосий юлдузлардан бирига айланди. Кечаги машғулотда футболчилардан айнан Кейн Чарльтоннинг олдига бориб у билан суҳбатлашди. Ваҳоланки, Кейн ҳали расман терма жамоа сардори деб эълон қилинганича йўқ. Лекин, шунга қарамай "Тоттенхэм" ҳужумчиси одатда сардорларга ҳос ҳаракатни амалга оширди.

Саутгейт ва Чарльтон ўзаро суҳбатлашишмоқда.

Англия терма жамоаси ўтмиши ва бугуни.

Англия терма жамоаси ўтмиши ва келажаги.

Якунда ҳамма биргаликда умумий суратга тушишди.

Афсонавий Бобби Чарльтон Англия терма жамоаси машғулотига ташриф буюрди + ФОТО