“Реал” вакили Гарет Бэйлнинг агенти Жонатан Барнетт мижозининг “Тоттенхем”га қайтаётганини тасдиқлаб, АS нашрига интервью берган. Қайд этилишича, Лондон клуби Бэйлнинг ярим маошини тўлайди. Қолганини эса Мадрид клуби тўлашда давом этади.

Аввалроқ Бэйлнинг 18 сентябрда Лондонга бориб, тиббий кўрикдан ўтиши ва шартномага имзо чекиши маълум бўлганди.

Маълумот учун, Гарет 2013 йилдан айнан “шпорлар” сафидан “Реал”га 101 млн евро эвазига ўтганди. Футболчи ўтган мавсум Ла Лигада 16 та ўйинда қатнашиб, 2 та гол урди ва 2 та голли узатма берди.

Агент тасдиқлади: Бэйл “Тоттенхэм”га қайтмоқда