Мазкур ўйинда ҳам олмалиқликалар мураббийлар штаби таркибдаги барча футболчиларга имконият тақдим этиб, ҳар иккала бўлимда икки хил таркибни майдонга туширди.

Биринчи таймда жамоалар муроса йўлини танлашди. Дастлаб меҳмонлар биринчи бўлим сўнггига яқин пенальти ишлашди. Дарвозага тепилган тўпни қўли билан қайтаргани Сардор Раҳмонов майдондан четлатилди ва дарвозага пенальти белгиланди. Бироқ белгиланган пенальтини Султонов қайтаришга эришди. Лекин қайтган тўпга илдамроқ ҳаракат қилган Жамшид Юсупов ўйинда ҳисобни очди - 0:1. АГМК эса бу голга тезда реакция билдириб, ҳужумга отланишди. Баҳром Абдураҳимов жарима майдончаси ичида рақиблардан бирин-кетин ўтиб, тўпни дарвозанинг ўткир бурчагига жойлади - 1:1.

Иккинчи бўлимда АГМК катта устунлик билан ўйнаб, тезкор гол уришга муваффақ бўлди. Қосимов - Эркинов - Раҳматов учлиги иштирокидаги комбинацион ҳужумни Полвонов аниқ зарбаси билан голга айлантирди - 2:1.

Учрашув сўнггига қадар эса таблодаги ҳисоб яна бир бор жамоамиз фойдасига ўзгарди. Бу гал Нурматов жарима майдончаси ичида фаол ўйнаб, тўпни рақиб дарвозасига аниқ йўллади ва учрашувда якуний ҳисобни ўрнатди - 3:1.

Шу тариқа олмалиқликлар янги мавсумга тайёргарлик доирасидаги охирги назорат ўйинини ғалаба билан якунлади.

АГМК Суперлига 1-тури доирасидаги мавсумдаги илк расмий баҳсни 29 февраль куни Олмалиқдаги ОКМК спорт мажмуасида “Металлург”га қарши ўтказади. Ўйин соат 16:45да бошланади.

Назорат ўйини
23 февраль, якшанба
АГМК — “Оқ-тепа” 3:1
Голлар: Абдурахимов (45), Полвонов (50), Нурматов (79) — Юсупов (42)
ОКМК спорт мажмуаси
Бош ҳакам: Аҳрол Рисқуллаев.
АГМК (1-бўлим) — Суҳроб Султонов - Акмал Шораҳмедов, Игорь Зонич, Сардор Раҳмонов, Мурод Тошматов - Йован Жокич, Баҳром Абдураҳимов, Санжар Турсунов - Арслонмират Аманов, Мате Ватсадзе, Элгужа Григалашвили.
АГМК (2-бўлим) — Роман Абдулов - Мирғиёс Сулаймонов, Дилшод Жўраев, Бобур Йўлдошев, Сайдулло Раҳматов - Эркин Байдуллаев, Сайдулло Тошпўлатов, Миржамол Қосимов - Шаҳзод Нурматов, Зафар Полвонов, Хожимат Эркинов.
Четлатиш: Раҳмонов (41)
Амалга оширилмаган пенальти: Ибрагим (42) — дарвозабон

АГМК янги мавсум олдидан сўнгги назорат учрашувини ўтказди