Бу ҳақда "Daily Mail" хабар берди. Манбанинг маълумотига кўра, 29 ёшли аргентиналик кам ўйин амалиёти сабаб "шаҳарликлар" таркибидаги келажагига ишонмаяпти.

Келтирилишича, мавсум олдидан Агуэро бу саволни клуб президенти Халдун Аль Муборак билан муҳокама қилган. Ана шу суҳбатга қарамай, ўйинчи вазият бу мавсум ўзгармаслигига ишонмоқда. У жамоа яхши натижалар қайд этаётганидан мамнун, лекин майдонга кўпроқ тушишни хоҳламоқда.

Шу билан бирга, Гвардиолага яқин бўлган манбаларнинг маълум қилишича, мураббий ва ҳужумчи ўртасида келишмоқчилик йўқ.

Жорий мавсум форвард 19та ўйинда иштирок этди ва 13та гол уриб, 3та голли пас берди. Агуэронинг шартномаси 2020 йилгача мўлжалланган.

Агуэро "Манчестер Сити"даги ҳолатидан норози