"Барcелона" клуби ва Аргентина ТЖ ҳужумчиси Серхио Агуэро Россиянинг "Сочи" клуби ташкил топганлигининг уч йиллиги билан жамоани табриклади.

Клуб 2018 йил 4 июлда ташкил топган ҳамда 2019 йил июль ойидан бошлаб Россия Премьер-лигасида иштирок этиб келмоқда.

"Салом! "Сочи" футбол клуби ташкил топганлигининг учинчи йиллиги билан жамоани табриклайман. Сизга энг яхши тилакларни ва янги муваффақиятларни тилайман", — деди аргентиналик форвард.

Эслатиб ўтамиз, Агуэро ёзги трансфер ойнасида эркин агент сифатида каталонияликлар сафига келиб қўшилди.

Агуэро рус клубига табрик йўллади