Қатарга қарши ўйиндан сўнг матбуот анжуманида Туркманистон жамоаси бош мураббийи Аҳмад Агамуродов иштрок этди.

-Ўйин ҳақида фикрларингиз...

-Аввалам бор мен юртимни бу натижа билан табриклайман. Юртимизда бизни қўллаб-қувватлаб туришди. Бугун жуда чарчадим, ўйлашимча, бугун биз учун бу турнирдаги энг қийин ўйин бўлди.

-Жамоангиз бу турнирда дебют қилди ва гуруҳдан чиқа олди.Сиз ва футболчиларингизни кийим алмаштириш хонасидаги таассуротлари қандай?

-Боя таъкидлаб ўтганимдек жуда чарчаганман. Ҳозир биз яхшилаб дам олиб тикланишимиз зарур чунки ҳозир турнирнинг биринчи босқичи якунига етди ва кейинги босқичга фақат кучлилар йўл олади. Бундан ташқари Австралия биз учун янги жамоа, кейинги ўйинда бизга жуда қийин бўлади. Яна барчани табриклаб қоламан ва асосан туркман халқини.

-Бу майдонга тўғри ўйинчиларни майдонга тушириб уйинни ўзгартира олган иккинчи ўйинингиз ва бу сафар ҳам сиз майдонга 9 рақамли ўйинчини туширдингиз ва у дубль қайд этди. Ўйинчиларингизга қандай мотивация берасиз?

-9 рақамли футболчи асосий таркибда бўлиши керак бўлган уйинчилардан бири ҳисобланади, у биринчи ўйинда жароҳат олган эди ва Эронга қарши ўйиндан олдин ҳам у ўзини ёмон ҳис қилган эди шунинг учун ҳам биз уни алмаштиришга мажбур бўлган эдик. бугунги ўйиндан олдин у 5 кун дам олиб ўйинга тайёор ҳолатга етиб келди.

Аҳмад Агамуродов: "Кейинги босқичга фақат кучли жамоалар йўл олади"