"Бўлажак ўйин осон бўлмаслигини ҳис қилиб турибмиз. Қолаверса, плей-офф битта ўйиндан иборат бўлгани учун мағлуб бўлган жамоанинг жорий мавсум ОЧЛдаги охирги учрашуви бўлади.

Бундай ўйинлар энг юқори даражадаги консентрацияни талаб қилади. Биз бундай тўқнашувларда иштирок этиш учун зарур тажрибага эгамиз. "Ал Вакра" раҳбарияти, ходимлари ва мухлисларини хурсанд қилиб, ғалаба қозониш учун барча имкониятларни ишга соламиз.

Бу ўйиннинг аҳамияти шундаки, биз 21 йилдан бери Осиё Чемпионлар лигасида иштирок этмаяпмиз. Сўнгги икки йилда эса бу борада катта саъй-ҳаракатлар амалга оширдик.

Ўзбекистондан ташриф буюраётган рақибнинг баъзи ўйинларини томоша қилдим. Уларда алоҳида иқтидорга эга ярим ҳимоячилар мавжуд, аммо бизда ҳам бу позицияда ўзига хос ўйинчилар бор, шу боис, ўйин давомида кескин кураш содир бўлади. Ташқи босимга эътибор бермасдан, мураббий кўрсатмаларини бажарган ҳолда майдонда максимал куч сарфлаймиз", деди Фадель.

Аҳмад Фадел: "Навбаҳор"да алоҳида иқтидорга эга ярим ҳимоячилар мавжуд"