"Ҳар бир ҳикоянинг боши ва охири бор. Миллий терма жамоадаги менинг ҳикоям ўз якунига етди.

Россия терма жамоасини ватанимиздаги мундиалда майдонга сардор сифатида бошлаб чиқиш мен учун катта шараф бўлди. Бу ҳақида хатто орзу ҳам қилмаган эдим. Аммо бу амалга ошди ва терма жамоадаги фаолиятимнинг чўққисига айланди десам ҳам бўлаверади. Ҳа, биз жаҳон чемпионатида медал олмадик, бироқ барча йигитлар бор кучи билан ҳаракат қилишдик. Терма жамоада 15 йил - катта муддат. Йиллар ўтиши билан икки фронтда ўйнаш қийинлашиб бораверади. Олдинги жароҳатлар туфайли тикланишга кўпроқ вақт сарфланади. Бугун ёшларга имконият бериб, бор эътиборимни ЦСКАга қаратиш кераклигини тушуниб етди. Жамоани хотиржам тарк этяпман: Россияда кучли ва истиқболли ёшлар пайдо бўлди, уларнинг баъзилари мундиалда ўзини ҳақиқий сардордек кўрсатди. Ёшларга ишонишимиз, уларни қўллаб-қувватлашимиз керак. Майли, улар бизданда муваффақиятлироқ бўлсин. Бундан фақат хурсанд бўламиз! Миллий жамоада мен билан бирга ишлаган мураббийларга, футболчиларга, ходимларга ва кўп миллионлик мухлисларга рахмат айтмоқчиман. Россия - олға!" - дейди Акинфеев.

Игорь Акинфеевнинг Россия терма жамоасидаги дебюти 2004 йил Норвегияга қарши ўртоқлик учрашувида (2:3) амалга ошган. У ҳозиргача терма жамоанинг 112та учрашувида майдонга тушиб, 95та гол ўтказиб юборган. Посбон Россия терма жамоаси сафида Евро-2008да бронза медалини қўлга киритишга муваффақ бўлди.

Акинфеев Россия терма жамоасидаги фаолиятини якунлади