Футболчига Кипр чемпионатининг энг яхши жамоаларидан бири "Арис Лимасол" қизиқиш билдирмоқда. Айни дамда ушбу жамоа мамлакат чемпионатида иккинчи ўринни эгаллаб турибди ва чемпионлик учун курашмоқда. Шунингдек, "Арис" келаси мавсумда Еврокубокларда иштирок этиши деярли аниқ бўлиб улгурган.
"Арис"ни ҳозирда беларуссиялик мутахассис Алексей Шпилевский бошқармоқда, жамоа сардори сифатида Россия термасининг собиқ футболчиси Александр Кокорин ҳаракат қилади.
Кипр клуби футболчига "Насаф"дагидан кўра камроқ маош таклиф қилган. Ҳозирча Акмалнинг ўзи якуний қарорга келмаган.
Ўтган мавсумда Мозговой "Насаф" таркибида барча турнирларда 33 ўйинда қатнашиб, 6 гол ва 1 ассист қайд этди. Мавсум якунларига кўра, ЎзПФЛ томонидан Суперлиганинг энг яхши футболчиси деб топилди.
"Transfermarkt" портали футболчини 1,3 млн еврога баҳолаган.
Изоҳлар