Финал арафасида мутахассислар, экспертлар ўз муносабатлари билан бўлишаётган паллада биз АГМКнинг тажрибали футболчиси Акмал Шораҳмедовнинг фикрлари билан қизиқдик.

"АГМК билан иккинчи бор финалга чиқдим. Ундан олдин эса "Пахтакор" сафида ҳозирги жамоамга қарши ўйнагандим. Кубок битта учрашувдан иборат бўлгани сабабли куч топса бўлади. "Пахтакор" кучли жамоа ҳам миллий терма жамоамизнинг ўзагини ташкил қиладиган футболчилар жамланган. Эртага ўтган йилги хатоларни такрорламасликка ҳаракат қиламиз ва ғалаба учун майдонга тушамиз. Финалнинг Наманганда ўтаётгани ҳам қайсидир маънода яхши дея оламан. Муносиб ҳаракат қилиб кубокни қўлга киритиш учун боримизни берамиз.
Бундай шароитда дейлик ўтган йили лига кубоги финалида еттинчи декабр санасида ўйнагандик. Лекин, у пайт ҳозиргидек совуқ эмасди. Фаолиятимда мавсумлар бунчалик чўзилиб кетмаганди. Совуқда кўпчилик касал бўлиб қоляпти. Ҳар бир ўйиндан сўнг кимларнидир иситмаси чиқмоқда. Кўп жойларда кийиниш хоналарида душлари совуқ. Водийда футбол мухлислари кўп. Фақат Намангандан эмас, Фарғона ва Андижондан ҳам мухлислар келишади. Ишқибозлар ажойиб муҳит яратишса биз улар учун янада яхшироқ ўйнашга ҳаракат қиламиз",- дейди Акмал Шораҳмедов.

Жаҳонгир Файзуллаев ёзиб олди, Намангандан "Сhampionat asia" сайти учун маҳсус

Акмал Шораҳмедов: "Мухлислар эртага ажойиб муҳит яратишса биз улар учун янада яхшироқ ўйнаймиз"