Тадбир Самарқанд вилоят ҳокими Эркинжон Турдимов, юзлаб мухлислар ва ОАВ иштирокида ўтди.

Янги футболчиларни таништирув маросимидан сўнг “Динамо” жамоаси сардори Акмал Холмуродовнинг бошланаётган Сoca-Cola Суперлигаси баҳслари ҳақидаги фикрлари билан танишдик.

- Авваламбор, барчани янги футбол мавсуми билан табриклайман. Бугун тақдимот маросими ажойиб, юқори даражада ўтди. Катта залда юзлаб мухлислар ва вилоят ҳокими иштирокида биз футболчиларни бу даража катта эътибор билан кутиб олишларини кутмагандик. Ишонч учун раҳмат, бундай эътибор ва ишончни оқлаш учун бор кучимизни ишлатамиз.

Янги мавсум олдидан пухта тайёргарлик кўрдик деб ўйлайман. Йиғинимиз якунида Суперлигага ўйнашимиз аниқ бўлгач, бу барча футболчиларга ҳам қўшимча масълият ва мотивация берди. “Динамо” катта бир оилага айланган. Менимча, бизнинг энг катта кучимиз бирдамлигимизда.

Дастлабки турда “Насаф”га қарши ўйнаймиз. Ушбу жамоа ҳурматга сазовор рақибдир. “Динамо” – “Насаф” учрашуви жанговар ва шиддатли ўтишига шубҳам йўқ. Таништирув маросимида юзлаб мухлислардан сездимки, бутун Самарқанд катта футболни соғиниб қолган. Ўйлайманки, “Динамо” – “Насаф” учрашувида ўйингоҳ мухлислар билан лиқ тўлиб, самарқандлик ишқибозлар бизнинг “12-ўйинчи”мизга айланишади. Барчани шанба куни “Динамо” стадионига чорлаб қоламан.

Усмон Ибодов суҳбатлашди.

Акмал Холмуродов: "Бутун Самарқанд катта футболни соғиниб қолган"