Ушбу баҳс олдидан "Бунёдкор" клуби футболчиси Акром Комилов ўз фикрларини билдириб ўтди.

"Навбаҳор" жамоаси билан бўлиб ўтадиган учрашув мухлислар боп бўлишини олдиндан айтиш мумкин. Иккала жамоа учун ҳам қийин ўйин бўлиши аниқ ва ҳар икки жамоа ҳам очко олиш учун баҳс олиб боради. "Навбаҳор" жамоаси ҳозир қандай ўйин кўрсатаётганини барча билади. Биз бу учрашувга жиддий тайёргарлик кўрдик. Тўғри, эртанги кунги рақибларимизни мухлислар қўллаб-қувватлашади.

Лекин, биз бунга эътибор қаратмаймиз. Худдики бу мухлислар бизни қўллаб-қувватлаётгандек ҳис қиламиз. Мураббийимиз бизга фақат ҳужумкор ўйин кўрсатишимизни таъкидлайди. Қайсидир вазиятда ҳимояланамиз, қайсидир вазиятда ҳужумга чиқамиз. Ўйинга қараб мослашамиз. Ўйинни биз бошқаришимизни хоҳлаймиз. Шунинг учун ҳам эртанги ўйинда ғалаба қозониш учун бор кучимиз билан ҳаракат қиламиз", - дейди Акром Комилов

Жаҳонгир Сотволдиев ёзиб олди

Акром Комилов: "Мураббийимиз бизга фақат ҳужумкор ўйин кўрсатишимизни таъкидлайди"