Ушбу турда Тошкентнинг "Бунёдкор" жамоаси ўз уйида Қаршининг "Насаф" жамоасини қабул қилди ва 2:1 ҳисобида ғалаба қозонди. Учрашув якунланганидан сўнг, "қалдирғочлар" ҳимоячиси Акром Комилов ўз фикрларини билдириб ўтди.

"Бундан аввал бўлиб ўтган 3та оғир ўйинда мағлуб бўлдик. Ўзимизга келишимиз қийин бўлди. Мураббийларимиз бизга керакли кўрсатмаларни берди ва "Насаф" билан ўйинда нима қилиб бўлса ҳам ғалаба қозонишимиз кераклигини айтишди. "Насаф"га қарши баҳсда ҳужумда ва ҳимояда яхши ҳаракат қилдик.

Шуни эвазига ғалаба қозондик, деб ўйлайман. Бир кишини алоҳида кўрсатмаган бўлардим. "Насаф" жамоасида ҳар бир позицияда яхши ўйин кўрсата оладиган футболчилар бор. Шунинг учун уларда ҳам, бизда ҳам жамоавий ўйин кучли. Шу сабабли "Насаф" бизга яхшигина қийинчилик туғдирди", - дейди Акром Комилов.

Акром Комилов: "Насаф" бизга яхшигина қийинчилик туғдирди"