Рақиб эса номдор "Ал Ҳилол" жамоаси. Мазкур баҳс олдидан АГМКнинг мудофаа чизиғи вакили Акром Комилов сайтимизга фикрларини билдириб ўтди.

"Бугунги тўқнашув жамоамиз учун ОЧЛ гуруҳ босқичидаги дебют ўйин ҳисобланади. Рақиб ҳақида нима ҳам дердим. "Ал Ҳилол" шубҳасиз мусобақанинг фаворитларидан бири. Лекин биз бу ерга бежизга келмаганимизни исботламоқчимиз. Учрашув қизиқарли ва муросасиз кечишини тахмин қилишим мумкин.
ОЧЛда ҳали кўп ўйин ўтказганимиз йўқ. Шу боис ўйиндан-ўйинга жисмоний ҳолатимиз янада яхшиланиб боради. Ўйлайманки, бу борада муаммо бўлмайди. Ташкилотчилик яхши бўлмоқда. Ёмон дея олмайман. Ифторликни ҳисобга олган ҳолда учрашувларнинг қулай вақтга қўйилганлиги жуда яхши бўлди. Икки жамоа ҳам бемалол ифторликни қилиб баҳсга ҳозирлик кўради",- дейди Акром Комилов.

Акром Комилов: "Саудия Арабистонига бежизга келмаганимизни исботлаш вақти келди"