"Ал-Ҳилол" "Манчестер Юнайтед"нинг 30 ёшли яримҳимоячиси Бруну Фернандешга йилига 65 миллион фунт стерлинг маош билан уч йиллик шартнома таклиф қилди. Бу ҳақда Daily Mail нашрида хабар берилди.

Манба маълумотларига кўра, ҳозирча португалиялик футболчи бу таклифга жавоб бермаган. Саудия клуби ушбу битимни 15 июнда бошланадиган клублар жаҳон чемпионати олдидан якунлашни мақсад қилган.

Таъкидланишича, ҳужумчи Муҳаммад Салоҳ "Ливерпул"да қолишга қарор қилганидан сўнг, "Ал-Ҳилол" юлдуз ўйинчи изламоқда. Саудия клуби мисрлик футболчи учун мўлжалланган 500 миллион фунт стерлингни бошқа йирик трансферлар учун сарфлашга тайёр.

Жорий мавсумда Фернандеш барча турнирларнинг 52 та ўйинида иштирок этиб, 19 та гол урди ва 18 та гол узатмасини амалга оширди. Футболчининг клуб билан амалдаги шартномаси 2027 йил ёзигача амал қилади. Transfermarkt сайти маълумотларига кўра, футболчининг бозор қиймати 25 миллион еврони ташкил этади.

"Ал Ҳилол" Бруну Фернандешга ажойиб таклиф бермоқда