Гарчи Тожикистоннинг "Истиқлол" клуби АГМКга 1:2 ҳисобида имкониятни бой берган бўлса-да, гуруҳдан биринчи ўрин билан чиқди. Бу жамоа 10 очко тўплаб биринчи бўлди. Гуруҳдаги иккинчи беллашувда "Ал Ҳилол" кутилмаганда "Шабаб Ал Аҳли"га 0:2 ҳисобида мағлуб бўлди. Бу жамоа ҳам 10 очко тўплаб, иккинчи ўринни эгаллади.

Савол туғилади: "Ал Ҳилол" гуруҳдан чиқдими? Бу йилги ОЧЛ мусобақаси Ғарб минтақасида жамоаларни 5та гуруҳга бўлган ҳолда ўтказиляпти. Регламентга кўра, ҳар бир гуруҳдан ғолиблар ва энг яхши кўрсаткич қайд этган 3та иккинчи ўрин эгаси кейинги босқичга йўл олади. Шундан келиб чиқиб "Ал Ҳилол"нинг 1/8 финалга йўл олиш масаласи "C" гуруҳида бўлиб ўтаётган "Ал Аҳли" - "Ал Дуҳайл" баҳсига боғлиқ.

Ҳозирча 0:0 ҳисоби қайд этилаётган баҳсда дуранг натижа сақланиб қолса, унда "Ал Дуҳайл" билан "Ал Аҳли"да очколар 9тадан бўлади ва 10 очко тўплаган "Ал Ҳилол" кейинги босқичга чиқади. Лекин улардан бири ғалаба қозонса, унда ўша жамоа плей-оффга чиқади ва "Ал Ҳилол" эса гуруҳда қолиб кетади.

Ҳозирга қадар 2-ўрин билан кейинги босқичга чиққан иккита жамоа маълум: "Ал Ваҳда" ва "Тракторсози". Учинчи жамоа эса "Ал Дуҳайл" - "Ал Аҳли" баҳсидан сўнг маълум бўлади.

АЙНИ ВАҚТДАГИ ЖАДВАЛ

"Ал Ҳилол" кейинги босқичга чиқдими? Ҳаммаси бошқа ўйинга боғлиқ