Бироз аввал, клуб "Ал Ҳилол"га қарши ўйин Намангандаги стадионда монитор орқали намойиш қилинишини маълум қилганди. Бироқ, баъзи муаммолар сабаб учрашув монитор орқали намойиш қилинмайдиган бўлди.

"Аввалроқ, клубимизнинг расмий телеграм канали орқали жамоамизнинг эртага “Ал-Ҳилол”га қарши кечадиган баҳсини “Марказий” стадионидаги катта мониторда жонли эфирда намойиш этиш режалаштирилаётгани ва бу борада ишлар олиб борилаётгани тўғрисида хабар берилганди.
Аммо, учрашув видеоёзувини Саудия Арабистонидан олишда қийинчиликлар юз бериши, ўйин трансляцияси борасида айрим техник муаммолар юзага келганлиги, қолаверса, ўйин Тошкент вақти билан соат 23:00 да намойиш этилиши, бу эса кўпчилик мухлисларга қийинчилик туғдиришини инобатга олган ҳолда, мазкур ўйин “Марказий” стадионидаги катта мониторда жонли эфирда намойиш этилмайдиган бўлди", -дейилади "Навбаҳор" ПФК берган баёнотда.

Эслатиб ўтамиз, “Ал-Ҳилол” – “Навбаҳор” ўйини эртага Тошкент вақти билан соат 23:00 да старт олади.

"Ал Ҳилол" – "Навбаҳор" ўйини Намангандаги стадионда монитор орқали намойиш қилинади

"Ал Ҳилол"га қарши баҳс Намангандаги стадионда монитор орқали намойиш қилинмайдиган бўлди – "Навбаҳор" ПФК