Саудия жамоаси ярим ҳимоячининг трансфери учун 50 миллион евро таклиф қилган. Бироқ "Порту" футболчини 70 миллионга сотмоқчи. Саудияликлар музокара орқали келишувга эришишни истамоқда.

Агар томонлар келишувга эришса, "Ал Иттиҳод" футболчининг ўзи билан шахсий шартнома бўйича музокара олиб боради. Сабабли "Порту" футболчининг истагисиз, Морани Осиё жамоасига сотмоқчи эмас.

2007 йилда туғилган футболчи "Порту" тарбияланувчиси ҳисобланади. Унинг жамоа билан тузган шартномаси 2030 йилнинг ёзига қадар мўлжалланган. Трансфермаркт нашри Морани 40 миллион еврога баҳолаган.

Футболчи ўтган мавсум 40 та учрашувда майдонга тушиб, 12 та гол урган ва яна 4 та голга ассистлик қилганди.

"Ал Иттиҳод" 18 ёшли футболчига 50 миллион евро тўлашга тайёр