Сал аввал жамоалар стадионга етиб келишгани ҳақида маълумот бергандик. Ўйин бошланишига 1 соатдан сал камроқ вақт қолганида жамоалар учрашув олдидан одатий равишда ўтиладиган чигалёзди машқларини бошлаб юборишди.

Мазкур жараён тасвирланган галереямизни эса эътиборингизга ҳавола этамиз.

Эслатиб ўтамиз, мазкур баҳсда ғолиб чиққан жамоа 4-март куни старт оладиган ОЧЛ гуруҳ босқичида иштирок этиш ҳуқуқини қўлга киритади.

"Пахтакор" мазкур ўйинда қуйидаги таркибда учрашувни бошлайди (4-2-3-1): 35.Санжар Қувватов - 3.Хожиакбар Алижонов, 23.Шерзод Аъзамов, 15.Егор Кримец, 34.Фарруҳ Сайфиев - 20.Одилжон Ҳамробеков, 7.Садриддин Абдуллаев - 17.Достон Ҳамдамов, 10.Драган Черан, 9.Жалолиддин Машарипов - 21.Марат Бикмаев.

Қайд этиш керак, бугунги ўйинни жароҳатлари боис дарвозабон Элдорбек Суюнов, ҳимоячилар Акром Комилов, Марко Симич ва ярим ҳимоячи Сардор Собирхўжаев ўтказиб юборишади.

"Пахтакор"ни қўллаб-қувватлаш учун Тошкентдан бир гуруҳ ишқибозлар ташриф буюришган. "Ал Наср"га қарши ўйинни ўтказиб юборадиган Акром Комилов жамоанинг жисмоний тайёргарлик бўйича мутахассиси Ласло Ямбор билан одатдагидек махсус дастур бўйича индивидуал шуғулланмоқда.

Акром Комилов "Ал Мактум" стадионига келган ўзбекистонлик мухлислар илтимосини ерда қолдирмасдан селфини амалга оширмоқда...

Шунингдек, Саудия Арабистонининг Ар-Риёд шаҳрида яна бир вакилларимиз АГМК жамоаси "Ал Насср" билан тўқнаш келган. Мазкур ўйинларда вакилларимизга омад тилаб қоламиз!

"Ал Наср" - "Пахтакор" учрашуви олдидан...