"Ўйин драматик тарзда ўтди. Рақибга ғалаба жуда зарур эканлигини тушуниб тургандик, биз уларга қаршилик қилишга уриндик. Дерби доим бошқача ўтади. Қизиқарли баҳс бўлди. Сўнгги сонияларда гол ўтказиб юборганимиз албатта алам қилди. Менимча дуранг нормал натижа", - деди Александр Хомяков.

- Натижадан қониқдингизми? Ҳакамларга эътирозингиз йўқми?

- Шахсан мен натижадан қониқмадим. Чунки қўшимча вақтларда гол ўтказганимиз аламли бўлди. Шунча кўп куч сарфлагандик. Албатта ғалаба қозонишни истагандик. Ҳакамлик бўйича ҳеч қандай эътироз йўқ.

- Кейинги йил "Андижон" қандай бўлади? Сиз биланми ёки бошқа мураббий биланми?

- Бу ҳақда олдин ҳам гапиргандим. Ҳозир раҳбарият билан гаплашиб олишимиз керак, олдинги йил билан таққосласак ҳозир натижамиз пастроқ. Ҳозирча ишлаяпмиз. Раҳбарият билан режаларни муҳокама қилмадик. Кейинги йил нима бўлишини кўрамиз.

- Агар кейинги йил клубда қолсангиз таркиб кучайтириладими?

- Албатта, ОЧЛда иштирок этадиган клуб янгиларни олиб келиши ва таркибни кучайтириш керак. Раҳбарият билан гаплашиб олишнинг айни вақти. Биринчи даврани яхши ўтказдик, аммо иккинчи давра бошини жуда ёмон бошладик. Айнан Суперлигани олсак. Албатта Кубокни қўлга киритганимиз мавсумдаги камчиликларимизни ёпгандек бўлди.

Александр Хомяков: "Раҳбарият билан гаплашиб олишнинг айни вақти"