"Пахтакор"ни ғалаба билан табриклайман. Бироқ бугун биз устунлик қилдик деб ўйлайман. Легионер футболчимизнинг ҳужжат ишлари туфайли бугунги баҳсда қатнаша олмади. Шунга қарамай биз кўп ҳужум қилдик, аммо гол ура олмадик, - дейди мураббий.

- Жамоа нега ҳужумда прессинг қилмади?

- "Пахтакор" дарвозасига яқинроқ ўйнашга ҳаракат қилдик. Бироқ охирги пасни ноаниқ оширдик. Шу боис ҳам гол ура олмадик.

- Жамоа 6 ўйинлик мағлубиятсиз сериясига якун ясалди. Бундан ташқари "Тракторсози" 8та ўйиндан буён гол уриб келаётганди. Шунга қарамай биз яхшироқ ўйнадик дедингиз. Бугун жамоангиз ўз савиясидан паст ўйнадими?

- Шунчаки бизга омад етишмади ва гол ура олмадик. Бундан ташқари жамоа жуда ҳам чарчаганди. Ёмон ўйнадик дея олмайман. Тошкентдаги баҳсдан олдин биз кўплаб оғир ўйинлар ўтказгандик.

- "Тракторсози"нинг гуруҳдан чиқиш имкониятларини қандай баҳолайсиз?

- Гуруҳда ҳозирча биринчи ўриндамиз. Бундан ташқари ўз майдонимизда яна иккита баҳс ўтказамиз. Менимча гуруҳдан чиқиш учун имкониятларимиз яхши.

- Гуруҳдаги қайси ўйин оғир бўлди?

- Барча ўйинлар қийн ўтди. Масалан, "Ал Жазира"ни 4:0 ҳисобида мағлуб этган ўйинимизда биз бунчалик кўп ҳужум қилмагандик.

Нарзулла Сайдуллаев

Амир Галенои: "Пахтакор"дан яхши ўйнаб ютқаздик"