Ўтган ҳафта Премьер лигада акция бўлиб ўтди. Унга кўра, жамоа сардорлари майдонга камалак рангли боғичда тушиб келишлари керак эди.
"Манчестер Юнайтед" футболчилари 1 декабрь куни бўлиб ўтган "Эвертон"га қарши беллашув (4:0)га "Adidas" компанияси томонидан тақдим этилган камалак ранг курткаларда тушиб келишлари зарур эди.
Бироқ манкунианликларнинг марокашлик ҳимоячиси Нуссаир Мазрауи мусулмон ва диндор эканлигини айтиб ушбу курткани кийишдан бош тортади. МЮнинг қолган футболчилари Нуссаир улардан ажралиб қолиб омма эътиборига тушмаслиги учун уни қўллаб-қувватлашди ҳамда улар ҳам курткаларни кийишмади.
"Бу жамоанинг қарори, шундай бўлиши керак.
Учта нарса борки, уларни доим ҳисобга олиш даркор. Биринчидан, клуб қадриятлари. Бу клуб нимага ишониши ва нимани ҳимоя қилишига шубҳа йўқ. Ундан кейин ҳурмат қилиниши зарур бўлган дин. Бизнинг қадриятларимиз - бошқа одамларнинг фикрларини ҳурмат қилишдир.
Ва учинчиси - жамоавий нарсалардир. "Нуссаирни ёлғиз қолдирмаймиз, биз бир жамоамиз." Аксарият ўйинчилар бир нарсага ишонишади, Лекин улар бошқа йигитни кўришди ва шундай дейишди: "Келинг, бирлашамиз".
Биз бу уч нарсани доим ҳурмат қилишимиз зарур. Буни яхши уддаладик деб ўйлайман. Биз ҳаммани ҳурмат қилишимиз керак, шунингдек, биз Нуссаирнинг дини ва маданиятини ҳам ҳурмат қилишимиз зарур", - деди "Манчестер Юнайтед" устози Аморим.
Изоҳлар