12 март, чоршанба куни "Реал" Чемпионлар Лигасининг 1/8 финалида "Атлетико"га қарши ўйнаган бўлса, 15 март куни "Вилярреал" билан Испания чемпионатининг 28-тур учрашувини ўтказди (2:1).
"Биз ўйнашимиз керак бўлганда ўйнаймиз ва бизга ўзини оқлашни кераги йўқ. Дам олиш имконияти бўлмаган бўлса-да, мағлубиятга учрамаганимиздан хурсандман. Чоршанба куни пенальтилар серияси билан бирга 120 дақиқа ўйнаб, кейин шанба куни соат 18:30 да майдонга чиқишимиз нормал ҳолат эмас.
Тушунаман, учта топ-клуб бир кунда ўйнаши Ла Лига раҳбарларига ёқмайди, лекин баъзида бу зарур. Бу Англияда тез-тез содир бўлади. Ме буни жамоамизга нисбатан ҳурматсизлик деб ҳисоблаймаг. Юкламалар кўплиги туфайли кимдир жароҳат олиши мумкин эди", – деди Куртуа.
Аввалроқ "қироллик клуби" бош мураббийи Карло Анчелотти ҳам учрашувлар тақвимидан норозилигини билдирганди.
"Реал" Испания чемпионати мусобақа жадвалида 28 турдан сўнг 60 очко билан иккинчи ўринда бормоқда. Жадвалда етакчилик қилаётган "Барселона" ҳисобида 60 очко ва 1 та захира ўйини бор.
Изоҳлар