— Тошкентда "Локомотив"га қарши майдонга чиққан бургутлар ортга ғалаба билан қайтди (2:1). Шу тариқа "бургутлар" 16 йилдан сўнг "темирйўлчилар"ни меҳмонда таслим қилишни уддасидан чиқди. Жамоа бу ишни сўнгги маротаба 2007 йил бажарганди. Ўшанда Дониёр Ҳамидуллаевнинг ягона голи ғалабага сабабчи бўлган.

— Умуман "Андижон" бу йил ҳар турда камида 1 та анъаналарини янгиламоқда, тарихий натижа қайд этмоқда. Дейлик жамоа 2-турда ўз майдонида "Бунёдкор"ни енгганди. Бу уларнинг "қалдирғочлар" устидан қўлга киритган биринчи ғалабаси эди. Ўша куни Александр Хомяков шогирдлари тарихда илк бор "Бунёдкор"га 3 тадан кўп гол урди.

— Андижонликлар 3-турда Тошкентда "Сурхон" меҳмони бўлди. Бу оқшомда жамоа рақиби дарвозасига 3 та гол урди. Мазкур ходиса сўнгги мартта 2001 йилги мавсумда рўй берган эди. Аниқроқ қилиб айтганда "бургутлар" 23 йилдан сўнг сафарда термизликлар дарвозасига 2 тадан ошиқ тўп киритди.

— Аввалги турда клуб уйда "Насаф"ни қабул қилди ва дуранг ўйнади. Шу тариқа мезбонлар 2020 йилдан буён уйда "аждарлар"га мағлуб бўлмаяпти.

"Андижон" барча анъаналарни янгилашда давом этади. "Локомотив" 16 йилдан сўнг Тошкентда таслим қилинди