1995 йили Андижон вилоятининг Қўрғонтепа туманида таваллуд топган ушбу футболчи ниҳоят олий лигада илк учрашувини ўтказди. Жиззахликларга қарши кечган баҳснинг 61-дақиқасида Ғулом Ўруновга алмаштирилган Қосимов биринчи ўйинида кўп ҳам ҳаяжонланмади. Аксинча ўйинга киришиб кетиш учун астойдил харакат қилди. Муҳими иқтидорли футболчининг дебюти омадли чиқди.

Умид қиламизки, Бахтиёр Қосимов яқин орада асосий таркибдан ўрин олиш учун келгусида ҳам ўз устида астойдил ишлашни канда қилмайди ва соғлом рақобатда таслим бўлмасликка интилади.

“Андижон” бош мураббийи Бахтиёр Ашурматовнинг аста-секин маҳаллий ёшларга эътибор қаратишни бошлаганини эътироф этиш жоиздир. Буни Қосимовнинг кечаги баҳсда захирадан майдонга туширилгани билан изоҳлаш мумкин. Бош мураббий бундан ташқари яна ёшлар жамоасидаги бошқа иқтидорли футболчиларни ҳам кузатиб бораётганини айтиш лозим.

"Андижон": Бахтиёр Қосимов олий лигада дебют қилди