Вилоят футбол федерацияси томонидан ташкил этилган мазкур мусобақа ҳафтанинг ҳар якшанба куни ўтказилади. Унда жами 8та жамоа иштирок этади. Учрашувлар сунъий майдонда ўтказилади (ХБК арена).

Мазкур мусобақани ташкил этишдан мақсад, футбол мактабларида таҳсил олиб келаётган ёшларнинг ўйин амалиётини янада ошириш, ёшларнинг дам олиш кунларини севимли машғулоти билан ўтказиш, шунингдек вилоят терма жамоасига муносиб номзодларни саралаб олишдир.
Кеча 8 октябр якшанба куни, “Келажак лигаси”нинг биринчи тур ўйинлари бўлиб ўтди. Учрашувлар кўтаринки руҳда ўтказилди ва қатнашчилар ўз уйларига хурсанд холда қайтиб кетди.
Мусобақа регламенти кўра, ҳар бир учрашувдан сўнг иккала жамоадан ҳам “Энг яхши ўйинчилар” аниқланиб, эълон қилиб борилади.
Ушбу мусобақани ташкил этиш ғояси билан чиққан ёшлар мураббийи Тимур Бозоровнинг ташкилий масалаларни ҳал этишда амалий ёрдами катта бўлаётганини алоҳида эътироф этиш лозим.
Дарвоқе, кеча “Истиқлол” жамоасининг иқтидорли футболчиси Муҳаммаджон Одиловнинг туғилган куни эди. Уни Андижон вилоят футбол федерацияси биринчи вице-президенти Бекзод Каримов эсталик совғаси билан самимий қутлади.

1-тур

“Пойтуғ” - “Азиа-2” 2:4
Энг яхши футболчилар: Тўйчибек Тўланов – Мирзоҳид Ҳакимов.

“БЎФМ” – “Избоскан” 5:2

Энг яхши футболчилар: Абдулхай Абдулҳамидов – Сардор Муҳаммадов.

“ИФМИ-1” – “Истиқлол”
“ИФМИ-2” – “Азиа-1”
Мазкур учрашувлар маълум сабабларга кўра бошқа кунга қолдирилди.

2-тур
“БЎФМ” – “Азиа-2” 6:4
Энг яхши футболчилар: Абдуқодир Икромов – Муҳаммаддиёр Бахтиёржонов.

“Пойтуғ” – “Избоскан” 2:6

“ИФМИ-1” – “Азиа-1”
“ИФМИ-2” – “Истиқлол”
Мазкур учрашувлар маълум сабабларга кўра бошқа кунга қолдирилди.

Исломбек Рустамбеков.

Андижонда “Келажак лигаси” турнири старт олди