Узоқ йиллар давомида жамоа шарафини муносиб ҳимоя қилган собиқ футболчи Расул Раҳмонов эндиликда мураббийлар штабида фаолият олиб боради.

2015 йилги мавсумда турли сабабларга кўра, оғир жарохатларни енгиб ўта олмаган Раҳмонов бутсаларини михга илишга қарор қилганди.

Шундан сўнг Раҳмонов мураббийлик соҳасида ўзини синаб кўришга аҳд қилиб, 2016 йил аввалига ёшлар жамоасида, кейинчалик асосий жамоада ёрдамчи мураббий сифатида ишлади. 2017 йилда биринчи лигада иштирок этган "Андижон"да ёрдамчи мураббий сифатида фаолият юритди. 2018-2020 йиллар давомида вилоят иккинчи лигасида иштирок этувчи "УзСемЮнгКо" жамоасини мустақил бошқарди. Ўтган мавсум "Д" тоифали мураббийлик лицензиясига бўлган курсларни муваффақиятли ўтказиб, мураббий сифатида етарлича малакага эга бўлди.

Шу боис клуб раҳбарияти Расул Раҳимовични футболчи сифатида жамоага бўлган садоқатини, мураббий сифатида эса интилувчан ва мехнатсеварлигини инобатга олиб "Андижон" жамоасига таклиф этди.

"Андижон"да янги мураббий иш бошлади