- Биз Италияга қарши кўп ўйнаганмиз. Шу боис ушбу жамоаларнинг ўзаро ўйини ҳеч қандай сюрпризлар тақдим этмайди. Яъни ҳар иккала жамоалар бир-бирларини жуда яхши билишади.

Нойер ва Буффон жаҳоннинг энг кучли дарвозабонлари, юқори топ даражадаги киперлар. Нойер ва Буффон нафақат ўз дарвозасини ишончли қўриқлайди, балки ҳимояни ҳам улар бошқариб туришади. Бу жуда муҳим жиҳат. Мануэль ва Жанлуижи ўз жамоаларининг жуда муҳим футболчилари саналишади.

Жижи Буффонни олдида шляпамни ечаман. Унинг совуққонлиги, ҳаракатлари, ёшига қарамасдан қилаётган ишлари таҳсинга сазовор.

Нойер ўйинни "ўқиши" бошқачароқ. Уларнинг услублари ҳар хил. Шу боис бу икки ажойиб дарвозабонларни таққослаш ноўрин. Футболчиларнинг барчаси уларни турлича баҳолашади. Лекин мен футболчиларнинг баҳосига ишонмайман.

Нойер ҳақида нима дейиш мумкин? Мануэль жуда ўзига талабчан, ўйинларига танқидий муносабатда бўлади. Нойер ҳар доим ўз ўйинини кучайтиришга, ўсишга интилади.

Европа чемпионатида ҳам ҳозир Буффон ва Нойер энг яхши бўлиб туришибди.

Андреас Кепке: "Буффон ва Нойер - турнирнинг энг яхши дарвозабонлари"