"Барселона" клуби ва Испания терма жамоаси собиқ футболчиси Андрес Иньеста бугун ўз фаолиятини расман якунлади. Футболчидан 2010 йилги "Олтин тўп" мукофоти ҳақида сўрашди.

"Менинг ҳаёлимга биринчи навбатда муҳаббат, инсонларга боғлиқлик ва ўз ишим билан бошқаларни бахтли қилиш имконияти келади. "Олтин тўп" – бу зўр соврин, футболнинг бир қисми. Бироқ, мен фахрланиш деганда совринлар эмас, футболчи бўлиш орзуси ва инсонларнинг меҳрини қозонишни тушунаман.

Месси ва Хави билан тақдирлаш маросимидаги сурат мен учун бу совринни шунчаки ютишдан кўра қадрлироқдир. "Олтин тўп" тақдирлаш маросимида саҳнада турган уч нафар тарбияланувчи – ўша кун учун оддий совриндан кўра муҳимроқ мукофот эди", -дейди Андрес Иньеста.

Андрес Иньеста 2010 йилги "Олтин тўп" ҳақида гапирди