"Ўйинга изоҳ беришга ҳожат йўқ. Чемпионатнинг учинчи тури, "Насаф"га қарши кубок ўйини... Ўйин бошида гол ўтказиш касаллигига дуч келганмиз. Лекин, ҳеч қайси ўйинда бундай йирик ҳисобда ютқазмагандик. Афсуски, чемпионатни мана шундай омадсиз бошладик", дея сўз бошлади мураббий.

Дарвозабонларимиз ўз ўйинларини намойиш эта олмаяптилар. Ўтган мавсумдаги посбонларимиз жамоага катта ёрдам бергандилар.

Ўткир Юсупов? Унда тажриба бор. Бу борада жавоб қайтаришим қийин. Дарвозабонлар бўйича мураббий билан маслаҳатлашамиз. Ўйинларни таҳлил қиламиз ва шундан сўнг ким дарвозада туришини ҳал қиламиз.

"Локомотив"га ўхшаб ўйнаш учун шу савиядаги футболчиларимиз бўлиши керак. Ҳозирча, қўл остимиздаги имкониятлардан фойдаланиб турамиз.

Тўпни олганимиздан сўнг уни тезда олдириб қўймоқдамиз. Бу бизнинг муаммомиз. Айнан шу нарса бизга қимматга тушмоқда деб ўйлайман.

"Насаф"га қарши ўйиндаги мағлубият? Мен учун 1:4 ҳисобидаги натижа кутилмаган бўлди. Чунки, қаршиликлар бунча голли вазиятлар юзага келтиришмаганди", дея ўз фикрларини якунлади Фёдоров.

Андрей Фёдоров: "Локо"га ўхшаб ўйнашимиз учун ўша савиядаги футболчиларимиз бўлиши керак"