- Иккинчи ўйинда ҳам дарвозабон хатолар қилмоқда. Буни тушунтириш оғир. Барчасини ўрганиб чиқамиз. Биринчи ўйинда қандай хатолар қилдик-у, иккинчи ўйинда қанақа хатоларга йўл қўйдик. Албатта, ҳимояда ишончли ўйнашимиз керак. Агарда хато қилмаганимизда, ўйин адолатли 0:0 ҳисоби билан якунланган бўларди. Ҳа, "Навбаҳор" иккинчи бўлимда секин ўйнади дейишингиз мумкин. "Локомотив" катта устунликка эга бўлди. Шу боисдан, уларда кўпроқ вазиятлар бўлди. Мағлуб бўлишни истамагандик, ўйинни қутқариб қолиш учун иккинчи ҳужумчини тушургандик. Бироқ ўхшамади. Нима ҳам дердим, ғалаба билан табриклайман.

Остон Ўрунов бугун футбол ҳақида ўйламади. Унинг оилавий муаммолари руҳий ҳолатига жиддий таъсир ўтказди. Албатта, уни алмаштирганимга ўзим ҳам ачиндим. Вазият шуни тақозо қилгани учун шу ҳолат рўй берди.

Иккинчи бўлимга қадар рақибларга имконият бермадик. Рақиблар бизни ўзларининг паслари билан ёриб ўта олишмади. Шу боисдан голга қадар ҳимоячиларимга ҳеч қандай эътироз билдира олмайман.

Хатоларсиз ўйин бўлмайди. Аввалига жарима зарбаси, кейинчалик иккинчи қаватда имкониятни бой бердик. Сўнгги зарба берилишига йўл қўйдик. Хатолар занжири туфайли биз мағлубиятимизга сабабчи бўлдик.

Андрей Канчельскис: "Остон бугун футбол ҳақида ўйламади"