"Биринчи навбатда "Машъал"ни ғалаба билан табриклайман. Баракалла, йигитлар. Икки хил тайм бўлди. Биринчи таймда жуда ёмон ўйнадик. Иккинчи таймда вазиятларга эга бўлдик, ҳисобни тенглаштиришимиз керак эди. Қаердадир омад келмади, бу футбол.

Ташкилотчиларга раҳмат айтаман. Олдинги тур билан солиштирганда яхшироқ майдон ва қулай вақтга белгилаб беришганига раҳмат.

Бугун майдонга тушган футболчиларга раҳмат. Уларга иккинчи тайм учун эътирозим йўқ. Биринчи таймни эса таҳлил қиламиз. Ҳаёт давом этади, кейинги турдаги АГМК билан ўйинга тайёргарлик кўрамиз.

Бугун ғалаба учун нима етишмади? Голлар етишмади. Таркибимизда йўқотишлар бор. Бир қанча футболчиларда касаллик симптомлари бор. Аммо таркибимизда бошқа футболчилар ҳам бор, улар майдонга тушиб ўйнашлари керак. Коронавирус бизни ҳам четлаб ўтгани йўқ. Таҳлил қиламиз, гаплашамиз. Бугун биз мағлуб бўлдик, рақиб эса ютди, "Машъал"ни табриклайман.

Нўъмон Ҳасанов "Навбаҳор"да менинг ёрдамчи бўлади. Машғулотлар жараёнида ҳам, бошқа ишларда ҳам. Айни пайтда менинг ёрдамчим карантин туфайли Москвадан кела олмаяпти шу боис Ҳасанов менга ёрдам беради", - дейди Андрей Канчельскис.

Андрей Канчельскис - Ташкилотчилар, омад, голлар ва Нўъмон Ҳасанов ҳақида