"Ал Таавон" клубини ОЧЛдаги илк ғалабаси билан табриклайман. Бугун биз ўзимизнинг яхши томонларимизни кўрсата олмадик. Ҳужумлар қила олмадик, зарба бермай, ҳужум қилмай ютиб бўлмайди.

Стандарт вазиятдаги хатодан сўнг гол ўтказиб юбордик. Бундай мухлислар қаршисида жавоб голини ура олмадик. Қисқаси бугун агрессив ҳаракат қила олмадик.

- "Ал Таавон" клуби ҳақида нима дея оласиз?
- Бугун рақибимизда истак жуда кучли эди. Мухлислар қўллаб-қувватлаши туфайли ҳам ҳақли ғалабага эришишди. Ҳали кураш олдинда эканлигини айтишим мумкин. Биз охиригача курашамиз. Кейинги босқичга чиқишга уринамиз.

- "Локомотив" нима учун фақат узун паслар орқали ўйнади, ўтган йилги жамоа бошқача эди...
- Ўйинимизга келсак, агар билсангиз жамоани уч нафар асосий футболчилар тарк этишди. Таркибимизга келган янги ёшлар ҳозирча жамоага қўшилиб кета олишмади. Ҳужумда муаммоларимиз бор. Темурхўжа Абдухолиқов Қатар клубига ўтди. Унинг ўрнини боса оладиган футболчи топилмаяпти.

- Сафарда 0:1 ҳисобида ютқаздинглар бу нормал ҳолатми?
- Албатта, ОЧЛда кучсиз жамоалар йўқ. Сафарда кичик ҳисобда ютқазганимиз нормал ҳолат, хулосалар чиқариб кейинги ўйинларга тайёргарлик кўрамиз.

"Локомотив" матбуот хизмати

Андрей Микляев: "Ҳужум қилмай ғалаба қозониб бўлмайди"