"Бугунги ғалаба билан барчани табриклайман. Мавсумни аъло кайфиятда бошладик. Барча йигитлар ажойиб ўйнашди. 5:0 ҳисобидаги ғалабадан хурсандмиз. Кейинги ўйингача оз вақт бор, шу боис ҳам тайёргарликни эртадан бошлаймиз. Нивалдо? Унда кичик жароҳат бор эди, таваккал қилишни истамадик. Унинг ҳолати эртага аниқ бўлади. Рақибнинг легионерлари келмагани режамизга таъсир қилмади. Чо Жаэ ўйинга тайёр эди, лекин бугунги учрашувда бошқа футболчиларга имкон бердик. Унинг жисмоний ҳолати яхши. Мавсум узоқ ва унга ҳам имконият берамиз. Эртага "Насаф" жамоасига мухлислик қиламиз. Эронда ўйнаш қийинлигини биламиз, ўйлайманки улар ижобий натижага эришишади", - деди Андрей Микляев.

"Биринчи таймда тенг ўйин бўлди. Иккинчи таймда тезкор голлар урганимиз эвазига йирик ғалабага эришдик. Гол урган пайтда дарвозабон олдинга чиққанини ва Рашидов очилганини кўрдим. Лекин зарба бердим ва гол урдим. Кейинги учрашувларда ўйинолди матбуот анжуманига мураббийлар олиб келишса келавераман", - дейди учрашувнинг энг яхши футболчиси Икром Алибоев.

Андрей Микляев: "Мавсумни аъло кайфиятда бошладик"