- Барча аёлларни байрам билан табриклайман. Ўзимиз кутган уч очко олганимиздан хурсандман. “Сўғдиёна” – анча шаклланган жамоа. Буни жиззахликлар “Бунёдкор”га қарши баҳсда ҳам кўрсатишди. Биз билан ҳам ўйинни ушбу жамоа ёмон бошламади. Тезкор гол урганимизда осонроқ бўларди. Биз биринчи бўлимда ўзимиз истагандек кўп хавфли вазиятлар ярата олмадик. Иккинчи таймга келибгина ўзимиз истагандек ўйин намойиш қила бошладик.

Бугун Саламат Қутибоев Муборакдаги баҳсда кичик жароҳат орттириб олганди. Шу боис уни майдонга туширмадик. Олдинда 13 мартдаги ОЧЛ доирасидаги муҳим баҳс кутмоқда. Коне нимага тушмади? Бугун шунчаки Йўлдошев ва Тўхтахўжаевни ҳимояда синаб кўрдик. Ҳисоб очилмаган пайтда қанотларни кучайтиришга уриндик. Шу боис Зотеевни туширдик. Бу бизга якунда фойда келтирди.

Садриддин Абдуллаев таркибда ўткир пас бера оладиган ягона футболчи. Биринчи бўлимда у Бикмаевга чиройли пас берганди. Абдуллаев ўйиндан ўйинга ўзига келиб бормоқда. Қутибоев, Алибоев ва Туропов каби ярим ҳимоячиларимизда жароҳат бор, буни ҳам унутманг.

Пенальти бўлган вазиятга фикрим? 100 фоизли пенальти эди, рақиб тўпга курашмаганди, - дейди Микляев.

Андрей Микляев: "Тезкор гол урганимизда бизга осонроқ бўларди"