"Биз тасодифий голларни урдик деб ўйламайман. Биринчи бўлимда Ливан терма жамоасига қарши жуда яхши ўйнадик. Иккинчи таймда эса бироз бўшлиқларни тақдим этдик. Умуман учрашув мухлисларга манзур бўлди деб ўйлайман. Натижа ўйинга мос бўлди дейиш мумкин", - дея гап бошлади Қирғизистон бош мураббийи Андрей Полховский.

- Қирғизистон бугун максимум кучи билан ўйнади дейиш мумкинми?

- Мен шогирдларим кўрсатган ўйиндан қониқдим. Лекин бугун ўзимизнинг барча имкониятларимизни ишга солиб ҳаракат қила олдик дея олмайман. Бунга рақиб ҳам йўл қўймади.

- Жамоа биринчи бўлимда бошқача, иккинчи таймда бошқача ўйнади. Бунинг сабаби нимада?

- Биз Ливан қандай қаршилик кўрсатишини кўрмоқчи эдик. Шу боис ҳар иккала таймда ҳар хил тактика асосида ўйнадик.

- Танаффусга 2:0 ҳисобидаги ғалаба билан чиқиб кетгандинглар. Шундан келиб чиқиб айтганда, нима деб ўйлайсиз, бугун Қирғизистон бир очко ишладими ёки икки очко йўқотдими?

- Агарда сўнгги дақиқаларда гол уриб мағлубиятдан қутулиб қолганимизни ҳисобга оладиган бўлсак, биз албатта бир очко ишлаб олдик. Лекин бугун биз ёмон ҳаракат қилмадик ва икки очко йўқотдик деб айтса ҳам бўлади. Чунки биринчи бўлимда устунлик биз тарафда бўлганди. Иккинчи таймда ташаббусни қўлдан бой бердик.

Андрей Полховский: "Мухлисларга ёқадиган ўйин бўлди"