Андрей Шипилов, “Металлург” ПФК бош мураббийи: - Бугун ўйин жуда оғир бўлди. “Локомотив” жуда кучли ва тажрибали ўйинчиларни жамлаган жамоа. Бундай рақибга қарши бутун ўйин давомида кучли босим остида ҳаракат қилмасанг муваффақиятга эришишинг қийин. Ўзинглар кўрдингиз, бизда вазиятлар етарли бўлди, аммо уларнинг кўпидан фойдалана олмадик. Менга биринчи бўлимга қараганда иккинчи таймдаги ўйинимиз кўпроқ ёқди. Иккинчи таймда футболчилар ўзларидаги босимни енга олишди ва кўрсатмаларни аниқ, тўғри бажаришди. Хурсандман, ўйинимиздан ҳам, қайд этилган натижадан ҳам. Биринчи даврада, сафарда қайд этган натижамиз тасодифий эмаслигини исботладик.

Энди футболчиларга қисқа муддатли таътил берамиз. Боиси тақвимдаги ўзгариш боис кейинги ўйинимизга қадар вақт етарли. Шу ойнинг охирги санасида тўпланиб, бошқа гранд жамоаларимизга қарши ўйинларга тайёргарликни бошлаб юборамиз, дейди Андрей Сергеевич.

Андрей Шипилов: “Ўйинимиздан ҳам, қайд этилган натижадан ҳам хурсандман”